الأحد، 2 يناير 2011

العدوان عدو اليم

                الارهاب  عدو اليم

يقتل ناس ابرياء ... و المفروض ناس تانيين
 
المسلم والمسيحى كانوا فى الاحتفال ماشيين

                      انفجرت قدام الكنيسة  و الكل طلع حزين

المسلم اتبرع للمسيحى  و المسيحى جرحه كبير

               حرام على الخيانة  حرمت الناس من بداية يوم جميل

بدل ما يفتح الناس و تقول صباح الخير
                
                    صحيت على الزجاج المكسر و تعد كام قتيل

ياه على الحزن  اللى ماله كبير
                   
                   عجبى عليك يا زمن

زمان كان المسلم و المسيحى اخوات فى بيت كبير

    فى المدرسة عاشوا الطفولة  و فى الجامعة عاشوا الصبا والكل كان جميل

خرجوا فى المظاهرات   و حرروا البلاد محميين

             رفعوا العلم  و اللى  رفع الهلال مع الصليب

الشيخ فى الجامع و القس فى الكنيسة ... قالوا هما دول المصريين

               حرروا البلاد بدم كل المصريين

اقاموا الحفل و السامر ........  للاحتفال على طرد المستعمرين

وقتها صلوا لله شاكرين ... و قعدوا على القهاوى يلعبوا و ياكلوا زبيب
 
و قعدت ام محمد و ام جرجس  يتغدوا على النيل
       
                                   مكنش فيه مكان لغادر و لا عدو غريب
                            
               عجبى عليك يا زمن  

                       ضاعت الفرحة .من عيون ناس كتير

نيستوا روح اكتوبر و سلاح المهندسين
                       
                   مين اللى عداكم القناة .من فوق خط بارليف
 
مهندس مصرى عايش وسط المصريين
                        
                   شرب من مية النيل زى كل المصريين
 
مسألناش وقتها مسلم و لا مسيحى .... لاننا كنا جامدين
                        
                    عجبى عليك يا زمن
 
الانفجار كان جامد ..... بس روحنا مع بعض هتفرق الغادرين
 
حفظك الله يا مصر وسط البلاد ... شامخة بولادك الطيبين
 
يزرعوا الخير و يحصوا الفل و الياسمين ...  بعيد عن الحاقدين
 
و نشوف فى كل من اراد بنا سوء ...  ولعة الى يوم الدين
 
                       حفضظ الله يا مصر من كل شر اليم
 

هناك 6 تعليقات:

Noha Saleh يقول...

جميلة يامحمد
ياريت الناس كلها تفهم اننا عايشين فى مكان واحد
واى حاجة هتحصل مش هتفرق بين مسلم ومسيحى
يعنى مصيرنا واحد
ربنا يحمى بلدنا ويحفظها

Mohamed Elsayed يقول...

ميرسى يا نهى ده من ذوقك

اكيد هننتظر المزيد من كتاباتك

لتوعية القراء على الوحدة و عدم الفرقة بين قطبين هذا

الوطن

Magdy Hatem يقول...

جميلة جدا يا محمد
وخصوصا الكلام كله خارج من القلب
ربنا يحفظ شعب مصر مسلمين ومسيحين
وربنا يجعل الموقف ده يقوي المصريين
ويجعلهم ايد واحده ضد اي عدو

Mohamed Elsayed يقول...

ميرسى يا مجدى

فعلا القلب حزين على دم المصريين

و يارب يكون المصريين مسلمين و مسيحيين قلب واحد و عقل

واحد لضرب هذا العدوان الاليم

تحياتى و تمنياتى بعام سعيد

ميادة يقول...

حقيقى كلنا زعلنا من اللى حصل
كلماتك عبرت كتير عن حزننا
ميادة

Mohamed Elsayed يقول...

اكيد يا ميادة اللى حصل يزعل

كل المشاعر انتفضت وقت الانفجار

يا رب سلم من اى انكسار

بجد عجز لسانى على نشر قصيدة تهنئة بالعام الجديد

اتمنى تعجبك قصيدة الحب اللى بكتبها

اتمنى سنة جميلة عليكى و على كل ابناء هذا الوطن

إرسال تعليق