الأربعاء، 16 فبراير، 2011

ثورة مصر

   
    قومى يا مصر وانهضى بولادك الطيبين
                                            
                                            رفعوا راسك فى السما وسط الطامعين
     
     كسروا حاجز الخوف و ظلم المستبدين
                                           
                                            عاشت مصر حرة على مر السنين
     
    يا ويله كل طامع فى حق الشعب الكريم
                                         
                                            الكرم و الشهامة طابع كل المصريين
  
    لكنه بيصير غضب و بأس على كل طامع لعين
                                       
                                              تذكروا احداث الغزاة على مر السنين
                
                            رفضها كل مصرى و ضحى بالغالى و النفيس
        
                   و تحية لمحمد بو عزيز اللى استشهد من اجل حرية التونسيين
        
                  و تحية لكل شهداء مصر اللى استشهدوا من اجل حرية المصريين

     المصرى كان جسور و اتحدى كيان مغرور
    
                                                زرع الخوف و المهانة فى ارض الكنانة
                 
                                                   مصر
     لكن ولادك اللى رفعوا العلم وقت الحرب
    
                                                  و ما همهم مدافع العدو المغترب
    
    استنكروا المهانة و رفعوا العلم وقت النصر
    
                                                  عاشت مصر حرة مستقرة
    
    ولادك سجلوا التاريخ من ميدان التحرير
    
                                                  رفعوا العلم وسط الطغيان

    و اتصدوا للمدفع بقلب كبير
    
                                                 قلب ما يخاف الطلقة و لا النار
    
    صوتهم عالى فى كل مكان
    
                                                         بيجرى فى كل الاوطان
    
    دولا مين و دولا مين
    
                                                          هما دول المصريين
             
                               عاشت مصر حرة أبية لكل الطامعين
    
     نورى الشموع يا بلد   
            
                                                             الحرية بتتولد
    
    من ارض التحرير 
    
                                    بندعى لكل شهيد بالرحمة فى مسواه الاخير
                  
                                       عاشت مصر حرة مستقرة

 

                                                                                    

هناك 8 تعليقات:

Noha Saleh يقول...

بعتذر عن التأخير فى التعليق بجد روعه
يامحمد
ربنا يرحم الشهداء ويحفظ مصر والمصريين
جميلة اوى بجد

Mohamed Elsayed يقول...

ميرسى يا نهى

ان شاء الله ربنا يرحم كل شهدائنا جميعا

و تنتهى الازمة فى كل البلاد العربية

Magdy Hatem يقول...

جميلة جدا وطويلة غير العادة ومن الواضح انها خارجه من القلب
تحياتي ومنتظر المزيد

Mohamed Elsayed يقول...

شكرا يا مجدى ده بس من ذوقك

غايب عننا بكتابتك الحلوة ليه

ربنا يوفقك

مروة يقول...

حقيقى فنان
الازمات فعلا بتصنع المبدعين
مع خالص اعتزازى
مروة

Mohamed Elsayed يقول...

ميرسى يا مروة على ذوقك

و اتمنالك السعادة و التوفيق دائما

نورتى المدونة و اتمنى دايما اسمع رأيك

ربنا يعد المحنة على خير

علاء يقول...

اين جديدك ي استاذ

Mohamed Elsayed يقول...

معلش على التأخير

و شكرا على اهتمامك بالجديد و المدونة

ان شاء الله فى حاجة جديدة بجهوها للنشر

إرسال تعليق